• انضم لقائمة البريد الاليكتروني
  • اتصل بنا
د. ياسر نجم
  • الصفحة الرئيسية
  • صحتك بالدنيا
  • حواديت
  • ما أخفاه عنك مدرس التاريخ
  • قرة أعين
  • في عشق المكان والإنسان
  • الأمة الإسلامية وإشكاليات العصر
  • سلامٌ على العِلْم
  • صناعة الوعي
  • أقرب من حبل الوريد
  • حلم الحكم الرشيد
  • الهري على ايه اليومين دول؟
  • واحنا نايمين
  • نوستالجيا
  • كراسة الخواطر
  • اخترت لكم
  • ميديا
  • موضوعات طبية متخصصة

مختارات من الموقع

أسبوعك الماضي وأسبوعك القادم وسورة الكهف
آخر ما وصل له الطب في علاج الايدز
قصة أول انتصار كبير في معركة ال Super bug
اثنا عشر مفهوماً خاطئاً عن الشريعة الإسلامية
الطبقية في الإسلام
حكاية الخمور مع الرياضيين المسلمين في أوروبا
أفضل زيوت الطبخ
علاج أعراض حساسية الصدر والأنف في 13 خطوة
الحيل ال12 لنوم أفضل وأطول وأعمق
طبقة الخدم الوظيفي

super bugsقصة أول انتصار كبير في معركة ال

26/8/2020 Comments
 
Picture
يمكن تكونوا سمعتوا عن أضرار الإفراط في المضادات الحيوية..ويمكن تكونوا قريتوا انه نتيجة لده..دلوقتى فيه بكتيريا وميكروبات مقاومة للمضادات الحيوية..لدرجة انها مابقيتش تستجيب لأى نوع من المضادات الحيوية مهما كانت قوتها..
الميكروبات دي بيسموها الميكروبات السوبر..
super bugs
العالم بقى دلوقتى في رعب اننا نرجع لمرحلة طب ما قبل اختراع المضادات الحيوية..اللي كان الإنسان فيها ممكن يموت من عدوى عادية جدأً..بتتعالج حاليا بمنتهى السهولة بالمضادات..كان كتير من البشر بيموتوا في سن صغير نتيجة عدم وجود علاج يقتل الميكروبات..وارد اننا نرجع للعصر ده تانى مع سوء استخدام المضادات الحيوية وتصاعد مقاومة البكتيريا لها..وظهور المزيد من السوبر باجز...
_________________________________
لكن فيه خبر مبشر اتنشر اليومين دول..عن تطور علمي جديد..هايساعد البشر في المعركة دي..
اقروا القصة دي:
_________
ايزابيل هولداواي بنوتة انجليزية عمرها 17 سنة...اتولدت بمرض اسمه التليف الكيسي..هي وأخوها...المرض ده بيؤدي في النهاية لتليف الرئتين والوفاة عادة في العشرينات أو التلاتينات..
لتجنب المصير ده..ايزابيل وأخوها اتزرعت لهم رئات (جمع رئة)..بدل رئاتهم اللى اتليفت...
لكن هم الإتنين اصيبوا ببكتيريا من النوع السوبر..
الأطباء جربوا معاهم كل أنواع المضادات الحيوية الموجودة..ولكنها فشلت كلها..وللأسف الأخ مات..
ساعتها أدرك الأطباء ان ده وقت اللجوء لهاتفول..في محاولة يائسة لإنقاذ البنت.. 
_____________________________
فلاش باك:
_______
جراهام هاتفول ده بروفيسور أمريكي متخصص في الميكروبيولوجي..وتحديداً في البيوتكنولوجي...
كان عارف من 30 سنة اننا هانوصل للحظة دي..وكون نظرية كانت غريبة وقتها اسمها ال"phage theory"
ومحورها اننا نسلط الظالمين على الظالمين...
بتعبير أوضح..نسلط الفيروسات المعدلة وراثياً على البكتيريا..تقتلها..
فيه علماء تانيين فكروا في النظرية دي..لكن مش كتير سعوا لتنفيذها عملياً..
هاتفول سعى لها عملياً..وأسس معمله من حوالي 20 سنة..وقعد هو وعدد كبير من تلاميذه يجمعوا فى المعمل ده مئات الفيروسات اللي ممكن تتطبق بيها النظرية دي..وابتدوا يدروسوا خصائصها ويعملوا عليها تجارب..ويعدلوها وراثياً..بحيث ماتبقاش مؤذية للبني آدمين..تقتل البكتيريا فقط..
كتير اتريقوا عليه..بس هو كمل..لحد ما بقى عنده حرفياً الآلاف من عينات الفيروسات..
وقعد مستني لما الناس تلجأ له...فى وقت ما ولو بعد حين...
.......................................................
الوقت ده جه من كام شهر...مع تعثر الأطباء في علاج ايزابيل هولدواي....
اتصلوا بيه الأطباء المعالجين من لندن يسألوه اذا كان في معمله حل لمأساة ايزابيل..
عرف هاتفول منهم نوع البكتيريا السوبر اللي عند البنت..
وعمل لهم كوكتيل من 3 فيروسات..توقع انه يجيب نتيجة...
وبعت لهم التركيبات..
وابتدى الأطباء يحقنوا ايزابيل بمليار من الفيروسات دى مرتين يوميا..في تجربة مرعبة للجميع..
مرعبة للأطباء..لأنهم مش عارفين ايه اللي ممكن يحصل للبنت بسبب ده...ممكن ده هو اللي يعجل بنهايتها..
ومرعب لهاتفول نفسه..لأن لو ده حصل...يبقى ده إعلان وفاة لمشروع حياته وسمعته قبل ما يبقى إعلان وفاة للبنت..
وبالطبع مرعب للبنت وأهلها..
لكن الحمد لله...النتايج كانت رائعة..والبنت اللي كانت عاجزة تماماً..ابتدت تتحرك وتاكل وتمارس حياتها بشكل طبيعي..بعد ما تمكنت الفيروسات من قتل البكتيريا اللي عجزت عن قتلها كل المضادات الحيوية بشكل مذهل..بدون ما تضر البنت..في أول نجاح عظيم لنظرية الفيج...
.
المشوار لسه في أوله..لأن دى حالة واحدة بس..
حتى البنت لسه ماخفتش تماماً...
لكنها بداية مبشرة جداً لمشوار شاق في حل معضلة من أصعب المعضلات اللي بتواجه الرعاية الصحية المعاصرة ومستقبلها...
...............
يحيا العلم...
.
احياة ابوك اذا كنت مريض او طبيب ماتستسهلش استخدام المضادات الحيوية...

​
Comments
اكتشف المزيد

كوب واحد وعشرة عقول

تحلقوا جميعاً حول كوب الماء وتلاقت نظراتهم عنده
نظرة مرعوبة من طاهر..الماء لا يبدو طبيعياً له..به شىء ما..سم زعاف؟!!

حواديت

في بلدنا دب أبيض

دب يا قزمان؟؟!!دب أبيض من دببة القطب الشمالى فى بلدنا الصحراوى؟؟!! وفى شهر أغسطس؟؟!! حواديت

جولة حرة في سوق الوقت
 سنة مثل سنة 1952 تباع فى أول السوق بسعر وفى آخره سعر آخر..غالية جدا هنا ورخيصة جدا هناك..
قلت له: هذه السنة بالذات عليها كلام..

حواديت

هذا الموقع

الكلمة ايد..الكلمة رجل..الكلمة باب
الكلمة جنة..الكلمة نار
في هذا المكان..كلمات أتركها قبل أن أمضي..وأُحاسَب عليها بعد أن أمضي
.

"إِذَا مَاتَ ابنُ آدم انْقَطَعَ عَنْهُ عَمَلُهُ إِلَّا مِنْ ثَلَاثٍ: صَدَقَةٍ جَارِيَةٍ، أو عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ"
الدعاء كلمة..العلم كلمة..والكلمة الطيبة صدقة
"إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ"
"فأما الزبد فيذهب جفاء وأما ما ينفع الناس فيمكث في الأرض"

Picture

د. ياسر نجم


د. ياسر نجم..استشاري طب الأطفال وأمراض الجهاز الهضمي للأطفال
عمل في مستشفيات مصر والمملكة المتحدة والإمارات العربية على مدار أكثر من 25 سنة
زميل الكلية الملكية لطب الأطفال - لندن
عضو الجمعية الأوروبية لأمراض الجهاز الهضمي والتغذية للأطفال
.
.له رؤى وكتابات عديدة متنوعة في
الشأن العام
لا ينتمي لأية تنظيمات أو تيارات أو جبهات أو جماعات إلا الجمعيات المهنية الطبية
السيرة المهنية للدكتور ياسر نجم متاحة عبر روابط  لينكد ان الموجودة على هذا الموقع
Picture
  • الصفحة الرئيسية
  • صحتك بالدنيا
  • حواديت
  • ما أخفاه عنك مدرس التاريخ
  • قرة أعين
  • في عشق المكان والإنسان
  • الأمة الإسلامية وإشكاليات العصر
  • سلامٌ على العِلْم
  • صناعة الوعي
  • أقرب من حبل الوريد
  • حلم الحكم الرشيد
  • الهري على ايه اليومين دول؟
  • واحنا نايمين
  • نوستالجيا
  • كراسة الخواطر
  • اخترت لكم
  • ميديا
  • موضوعات طبية متخصصة

استقبل التحديثات عبر البريد الاليكتروني


Picture
اشترك