آخر ما وصل له الطب في علاج الايدز

بخصوص علاج الإيدز..بعض الأصدقاء فهموا ان الخبر المتداول مؤخرا معناه انه تم الوصول لشفاء من الإيدز عن طريق الخلايا الجزعية..
والحقيقة انه مافيش شفاء من الإيدز بالخلايا الجزعية..

​وحتى الان مافيش علاج للشفاء من الإيدز اساسا..
اللي حصل ان مريض إيدز جاله نتيجة مضاعفات المرض سرطان في الغدد الليمفاوية..
وده له شفاء بالخلايا الجزعية..
فتم علاجه بخلايا متبرع..
والمتبرع ده بالصدفة النادرة ينتمي لمجموعة من البشر عندهم مناعة طبيعية ضد الإيدز (١٪؜ من البشر)..فلما مريض الإيدز خد خلاياه خف من الإيدز كمان نتيجة لده لحسن طالعه وكرم ربنا معاه..مش بفضل اي إنجاز علمي..وده صعب يتكرر تاني...
...................................
مازلنا بعاد عن "شفاء" من الإيدز..لكن التقدم العلمي اللي حاصل حتى الان ان ادوية العلاج من المرض بتحمى المرضى من المضاعفات..لدرجة انهم بيعيشوا حياة طبيعية ولأعمار عادية زيهم زي باقي الناس..وكمان بتحمى شركاءهم من المرض..فمابينقلوش العدوى..لدرجة انه لو اتعمل لهم اختبار دم بيطلع سلبي..
من الجدير بالذكر برضه ان الأبحاث الحديثة اثبتت ان ختان الرجال يحميهم من الإصابة بالأيدز عن طريق الاتصال الجنسي بنسبة ٦٠٪؜ اكتر من غير المختونين..
(بيتشبه الختان هنا بالتطعيم..لان فيه تطعيمات قدرتها على الحماية بتدور حول النسبة دي..)...
.
الهدف الرئيسي لعلاج الإيدز حاليا مش الشفاء منه..انما منع المزيد من الإصابات وتوصيل العلاج لملايين البشر غير القادرين خصوصا في افريقيا..