مختارات من الموقع
|
|
|
|
أهم مخلوق على وجه الأرض
20/9/2020
 الجمعية الملكية الجغرافية في لندن أعلنت رسمياً أن أهم مخلوق على وجه الأرض هو "النحل"..أهم حتى من الإنسان...
. للأسباب الآتية: .  من اغرب الحقائق العلمية ما يتعلق بمسألة عدم تحمل اللاكتوز (السكر الموجود طبيعيا في منتجات الالبان)...
فالانسان هو الكائن الوحيد على وجه الارض الذي يستمر في تناول اللبن ومشتقاته بعد الفطام من الرضاعة.. . ولهضم الالبان يوجد انزيم في الامعاء اسمه "اللاكتيز".. هذا الانزيم ينظمه احد الجينات الوراثية..وطبيعيا يغلق هذا الجين انتاج وعمل اللاكتيز بعد الفطام من الرضاعة تدريجيا..فالمفروض انه مع تقدم السن يعاني كل البشر مع الوقت من عسر هضم وغازات والم في البطن وربما اسهال او قىء مع تناول كميات كبيرة من الالبان.. والحقيقة ان هذا يحدث بدرجات مختلفة لثلثي البشر.. . لماذا لا يعاني الثلث الباقي من هذه الاعراض..؟ محاسن صدف علمية أم دفعات إلهية؟
31/8/2020
 * في بدايات القرن الثامن عشر...كان فيه رجل أعمال هولندي اسمه أنطوني ليونهوك..كان غاوي يصنع ميكروسكوبات كهواية.. كان مهتم جداً انه يعرف ليه الفلفل حراق..ففكر ان فحص الفلفل تحت الميكروسكوب هايوصله للسبب..يمكن فيه شوك ولا حاجه على سطح ذرات الفلفل بيسبب الحرقان... اطالة النظر تحت الميكروسكوب وصلت ليونهوك لاكتشاف الجراثيم..وفجأة رجل الأعمال بقى عالم من منازلهم... . * عالم الفيزياء الألماني بول ايرليتش حب يطور طريقة لرؤية الأنسجة أفضل تحت الميكروسكوب..فاخترع صبغة  فلان الفلاني اكبر دكتور صدر عرفته البشرية..رأيه في الدوا الفلاني كذا..= دليل طبي من الدرجة السابعة.. . جمعية اطباء الرعاية المركزة الامريكية ..رأيهم في الدوا الفلاني كذا = دليل طبي من الدرجة السادسة.. . الدراسة الفلانية نازلة على النت بس لسه ماطبعتش في اي دورية ..= تحت الصفر..لا ترقى للدليل الطبي اساسا.. . الدراسة الفلانية جربت الدوا الفلاني في المعمل واثبت فاعلية ولكنها لم تجربه على البشر بعد= ده مشروع دراسة علمية لا يرقى للدليل.. صباح الفل..ايلون ماسك من كام ساعة عمل بث حي من خلال شركته نيورالينك..لتجربة زرع شريحة في المخ...التجربة كانت على خنزيرة اسمها "جيرترود"..والشريحة كانت في منطقة المخ المتصلة بأنف الخنزيرة.. الهدف من التجربة مستقبلاً انها تُستخدم مع البني آدمين..وعمل دمج كامل بين الذكاء البشري والذكاء الإصطناعي.. ده بيفتح آفاق لمدى لا نهائي من التطبيقات..من أول التحكم في الأجهزة بإشارات من المخ مروراً بعلاج أمراض المخ المستعصية..الزهايمر..الجلطة..الأمراض النفسية..فقدان السمع والبصر..لحد القدرات الخارقة للبشر العاديين غير المصابين بأى أمراض... ........................ هيئة الأغذية والدواء الأمريكية صرحت لماسك انه يبتدي تجاربه على مجموعة من البشر اللي بيعانوا من سلل نتيجة اصابات في الجهاز العصبي.. ...................... طبقاً للشركة زرع الشريحة مابيستغرقش أكتر من ساعة وبدون تخدير..وماسك عنده طموح ان تكلفتها تنزل لبضعة آلاف من الدولارات.. ...................... فيه مشكلتين حالياً..الأولى انه مش معروف على المدى البعيد تأثير الشريحة دي على المخ وتحللها جواه هايعمل ايه... والتانية ان كتير من اللي بيشتغلوا مع ماسك سابوه ومشيوا لأنه "بيصربعهم" وبيطلب منهم سرعة فائقة في الإنجاز غير واقعية... ...................  يمكن تكونوا سمعتوا عن أضرار الإفراط في المضادات الحيوية..ويمكن تكونوا قريتوا انه نتيجة لده..دلوقتى فيه بكتيريا وميكروبات مقاومة للمضادات الحيوية..لدرجة انها مابقيتش تستجيب لأى نوع من المضادات الحيوية مهما كانت قوتها..
الميكروبات دي بيسموها الميكروبات السوبر.. super bugs العالم بقى دلوقتى في رعب اننا نرجع لمرحلة طب ما قبل اختراع المضادات الحيوية..اللي كان الإنسان فيها ممكن يموت من عدوى عادية جدأً..بتتعالج حاليا بمنتهى السهولة بالمضادات..كان كتير من البشر بيموتوا في سن صغير نتيجة عدم وجود علاج يقتل الميكروبات..وارد اننا نرجع للعصر ده تانى مع سوء استخدام المضادات الحيوية وتصاعد مقاومة البكتيريا لها..وظهور المزيد من السوبر باجز... _________________________________ لكن فيه خبر مبشر اتنشر اليومين دول..عن تطور علمي جديد..هايساعد البشر في المعركة دي.. اقروا القصة دي: آخر ما وصل له الطب في علاج الايدز
25/8/2020
 بخصوص علاج الإيدز..بعض الأصدقاء فهموا ان الخبر المتداول مؤخرا معناه انه تم الوصول لشفاء من الإيدز عن طريق الخلايا الجزعية..
والحقيقة انه مافيش شفاء من الإيدز بالخلايا الجزعية.. حقيقة البحث العلمي في مصر
21/8/2020
 طب أنا هاريحكم خالص....علشان نقفل على الموضوع ده وأى مواضيع مماثلة مستقبلاً: __________________________________________________ البحث العلمى فى مصر (باتكلم عن الطب تحديدا) عبارة عن رسايل ماجستير ودكتوراه.. بييجى مثلا طالب دراسات عليا..سواء ماجستير أو دكتوراه..زى حالاتى أيامها..ويقدم على الرسالة..فييجى المشرف يقول له: شوف لنا موضوع.. الطالب: أشوف موضوع فين حرررتك ؟ المشرف: اعمل سيرش كده فى المجلات العالمية المشهورة وشوف موضوع منهم.. الطالب: بس حرررتك كده هايبقى موضوع اتعمل قبل كده...ايه الفكرة؟ المشرف: لا يا فكيك..ما احنا مش هاناخده زى ما هو..هانغير فيه حاجه..هانزود حاجه..هانشيل حاجه..هانعكسه..هانتصرف..بس نقى موضوع.. يروح الطالب يقلب فى السيرشات وينقى موضوع عاجبه..ويغيروا فيه حاجه ويبتدوا... المشرف: روح اشترى الكيتس بقى (الكيتس دى هى المواد الكيمائية اللازمة لاجراء الاختبارات المعملية..مادة مثلا بتقيس حاجه معينة)... الطالب: الكيتس طلعت ب10 تلاف جنيه حرررتك...وانا مامعيش.. المشرف: خلاص...يبقى مافيش رسالة.. الطالب: لا لا..ازاى ؟ هاتصرف هاتصرف..هاعمل جمعية على نصهم واستلف نصهم.. يبتدى الشغل فى الرسالة..والطالب يقعد يجمع عينات..ويعمل اختبارات هو مش متدرب عليها..بالإضافة انه بيجرى على أكل عيشه...ولا بيقضى جيشه.. يروح للمشرف آخر الليل فى العيادة بتاعته..يلطعه ساعتين بره..وبعدين يدخله ويبص فى النتايج وهو بيدعك فى عينيه: - لا..لا..مش عاجبنى ده..عيد من الأول تانى.. - بس أنا حرررتك حالى واقف بسبب الرسالة دى.. - طيب ماشى..هاعدل لك فيها شوية حاجات..بس ابقى تعال اقعد مكانى فى العيادة الأسبوع الجاى علشان عندى مؤتمر كده...(بلوشى طبعا).. المؤتمر ده الأستاذ طالعه على حساب شركة أدوية علشان يتفسح فى أوروبا..وبالمرة يحضر له جلستين يتابع فيهم أحدث ما وصل له العلم.. النتايج تطلع معكوكة..ومالهاش علاقة باللى مكتوب فى الأبحاث اللى بره.. وفى الحالة دى بتحصل حاجه من اتنين..يا بتتم فبركة النتايج..يا بتتحط زى ما هى وتتلاقى لها تفسيرات لوزعية ليه مختلفة عن اللى المفروض نلاقيه.. تتناقش الرسالة..والطالب ياخد له كلمتين فى جنابه من المشرفين..وأخيرا ياخد الماجستير أو الدكتوراه..والرسالة تترمى فى أى درج... الطالب خد الدرجة..أما المشرف فبيكرر الموضوع نفسه 4 مرات مع 4 طلبة تانيين علشان يترقى للدرجة اللى بعدها..من مدرس لأستاذ مساعد لأستاذ..وهلم جرا... _____________________________________ لما رحت انجلترا اكتشفت ان البحث العلمى بقى له فرق متدربة ومتفرغة.. والموافقة على البحث لوحدها بتاخد حوالى سنة لمراجعة كل الجوانب الأخلاقية للبحث ومدى جدته واضافته للعلم.. ومافيش حاجه اسمها واحد يمول بحثه بنفسه.. لازم تمويل مؤسسى كبير..مئات الآلاف على الأقل.. وهم مش بينقلوا من أبحاث أخرى..لكن بيشوفوا آخر حاجه وصلت لها الأبحاث الأخرى ويكملوا عليها.. خدت كورسات كاملة وقريت كتب علشان أتعلم بس: ازاى أقرا بحث علمى..أتعلم ازاى أقراه بس.. لسه قارى كتاب أمريكى..اللى مألفينه كل واحد فى آخر الكتاب كاتب كل الفلوس اللى بيقبضها اد ايه وبيقبضها من مين..وبيثبت ان مالوش أى استفادة مادية من نتيجة البحث ده.. وان مافيش اى علاقة بتربط بين الكلام اللى كاتبه والمؤسسات اللى بتدفع له.. علشان أى دوا يتوافق عليه..بياخد له 10 - 15 سنة وبيمر بمراحل عدة تجارب على الحيوانات والبنى آدمين..ويتم التأكد أن نفعه أكبر من ضرره وان مافيش دوا تانى موجود فى السوق بيحقق نفس النتايج.. وبيتم اجراء الاختبارات فى مراكز مختلفة..وفى كل مرة بيتقسم المرضى لمجموعتين..مجموعة تاخد الدوا ومجموعة تاخد أى حاجه تانية..وولا المعالجين ولا المرضى يعرفوا مين اللى بياخد الدوا ومين اللى بياخد الحاجه التانية..وبعدين اللى بيحللوا النتايج مجموعة مختلفة..ومايعرفوش لا المرضى ولا المعالجين ولا مين كان بياخد ايه.. وبعدين البحث قبل ما يتنشر بيتعرض لتمحيص ونقد دقيق..ولو عدى بيتنشر..وبعدين لازم يتنشر كذا بحث من جهات مختلفة توصل لنفس النتايج..وبعدين يتكتب فى المراجع العلمية... أى دوا حضراتكم بتاخدوه وبيتباع فى الصيدليات لازم يكون عدى على كل ده..ولازم يكون وصل لمرحلة الكتابة فى المراجع العلمية.... ________________________________________ فى ضوء الكلام ده..هل حضراتكم متخيلين اننا ممكن نخترع دوا كحة حتى...العالم ماوصلوش قبلنا ؟ تقدر ببساطة تراجع عدد الأبحاث العلمية اللى طالعة من مصر ومنشورة فى مجلة علمية كبيرة..وانت توصل للإجابة.. من تجربتى الشخصية فى طب الأطفال مثلا وأمراض الجهاز الهضمى للأطفال..العدد = صفر.. واحد هايطلع لى يسأل: طب يا كابتن..مش يمكن الجيش نظامه مختلف..علشان مؤسسة منضبطة وفيها تمويل أحسن ؟ أرد عليه وأقول له : يا حبيبى..الجيش مش مؤسسة علمية أساسا..وحتى رسايل الماجستير والدكتوراه دى مش موجودة عندهم..واللى بيحب فيهم يعملها بيروح الجامعة.. عمرك شفت فى أى دورية طبية عالمية بحث عاملينه ظباط القوات المسلحة من مصر ؟ نفوق بقى كده من الغيبوبة اللى احنا فيها دى..ونتبين وكستنا صح..علشان يبقى لنا وضع فى الدنيا بعد 20 سنة من دلوقتى..ده لو ابتدينا النهارده نبنى منظومة علمية من أول وجديد على نضيف.. بالمناسبة..دول زى السعودية وإيران وتركيا وماليزيا وباكستان لهم باع فى النشر الدولي للأبحاث اكتر مننا بكتير..ومش هانتكلم عن الهند..دى اللى الدكاترة عندنا بيسعوا للنشر فى دورياتها أساسا... وانت جاى تقول لى اختراع يعالج الإيدز بنسبة ١٠٠٪؟؟!! أصلي الجيني
21/8/2020
 أثبت تحليل الDNA الخاص بي...أن جيناتي: - تركية قوقازية بنسبة 40%.. - عربية بنسبة 29%.. - شمال افريقية بنسبة 13%.. - شرق افريقية بنسبة 11%.. - يهودية بنسبة 5%.. - غرب افريقية بنسبة 2%.. _________________ كما أثبت أن الشعب الأقرب لتكويني الجيني...هو الشعب اللبناني..يليه الشعب الروسي.. :) ______________________________ التحليل تم كجزء من ال Genographic project.. الذى تديره National Geographic بمشاركة أكثر من مليون شخص فى أنحاء العالم حتى الآن.. |
