• انضم لقائمة البريد الاليكتروني
  • اتصل بنا
د. ياسر نجم
  • الصفحة الرئيسية
  • صحتك بالدنيا
  • حواديت
  • ما أخفاه عنك مدرس التاريخ
  • قرة أعين
  • في عشق المكان والإنسان
  • الأمة الإسلامية وإشكاليات العصر
  • سلامٌ على العِلْم
  • صناعة الوعي
  • أقرب من حبل الوريد
  • حلم الحكم الرشيد
  • الهري على ايه اليومين دول؟
  • واحنا نايمين
  • نوستالجيا
  • كراسة الخواطر
  • اخترت لكم
  • ميديا
  • موضوعات طبية متخصصة

مختارات من الموقع

أسبوعك الماضي وأسبوعك القادم وسورة الكهف
آخر ما وصل له الطب في علاج الايدز
قصة أول انتصار كبير في معركة ال Super bug
اثنا عشر مفهوماً خاطئاً عن الشريعة الإسلامية
الطبقية في الإسلام
حكاية الخمور مع الرياضيين المسلمين في أوروبا
أفضل زيوت الطبخ
علاج أعراض حساسية الصدر والأنف في 13 خطوة
الحيل ال12 لنوم أفضل وأطول وأعمق
طبقة الخدم الوظيفي

حكاية الخمور مع الرياضيين المسلمين في أوروبا

24/8/2020 Comments
 
Picture
Picture
حكاية الخمور مع لعيبة الكورة والرياضيين المسلمين مابتدتش مع الشناوى في كاس العالم ومش هاتنتهى عنده...
دى حكاية طويلة..ابتدت من 9 سنين على الأقل...
وكانت عليها ضجة جامده تحديداً سنة 2012 وسنة 2013...اشمعنى السنتين دول ؟
لأن ده الوقت اللى زاد فيه أوى عدد اللاعبين المسلمين فى الملاعب العالمية..لدرجة انهم يعملوا تأثير وتغيير..
.
فى سنة 2011..لاعب الكريكيت الجنوب افريقي هاشم املا رفض ان يتحط على القميص بتاعه شعار شركة البيره.. "كاسل"..الراعية لأكبر البطولات هناك..رغم ان ده كان معناه انه يضحى بكل أجره ومكافآته عن البطولات اللى بترعاها الشركة..
.
نفس التصرف عمله لاعب كريكيت آخر...سنة 2013...بس كان في استراليا المرة دى..فاواد أحمد..اللاعب المسلم فى منتخب استراليا..رفض انه يلبس على الزى شعار شركة VB البيره الراعية للمنتخب الوطني...واتحاد اللعبة الأسترالى لبى له طلبه..وقالوا انهم بيحترموا معتقداته ورغباته..من غير ما حد يتهمه انه داعشى ولا سلفى ولا رجعي ولا غوغائي..زى ما مساطيل العلمانية عندنا دلوقتى بيتهموا الشناوى وروايح الخمور فايحه من أفواههم...
.
فى يناير 2012...اعلن لاعب بايرن ميونيخ...الفرنسي المشهور فرانك ريبيري..عن تأسيس بار خالى من الكحوليات فى باريس..علشان الناس اللى بتحب تتفرج على الكوره فى بيئة خاليه من الخمور...ريبيري كان أشهر إسلامه سنة 2006...
وتأسيسه للبار ده جه فى اطار مكافحة الكحوليات..بعد تقريرصدر عن الإتحاد الأوروبي بيقول ان الكحوليات أخطر من المخدرات..وبتتسبب فى 195 ألف حالة وفاة فى اوروبا سنويا..بالإضافة لمسئوليتها عن 7% من كل الأمراض بشكل عام...
ريبيري بعد كده فى 2016 ظهر فى صورة شهيرة لفريق بايرن ميونيخ..وهم بيروجوا لأحد أنواع البيره...وكان هو الوحيد وزميله المغربي مهدي بيناتيه..اللى رفضوا يمسكوا البيره فى الصورة..(الصورة الأولى)..
.
لكن نقطة التحول اللى لفتت نظر الناس للموضوع ده كانت فى مايو التالى...لما يايا توريه لاعب مانشيستر سيتي..رفض زى الشناوى بالظبط يستلم ازازة شمبانيا..الهدية التقليدية فى الدورى الإنجليزي لرجل المباراة..وقال انه مش هاياخدها لأنه مسلم وسابها لزميله فى الفريق ليزكوت..(أول فيديو)..
اتكرر الموضوع ده بعد كده من أكتر من لاعب مسلم..
البريطانيين قالوا: دول متخلفين ورجعيين ويتحرقوا بجاز..وان شالله عنهم ما خدوا جوايز..هو نظامنا كده..واللى مش عاجبه يروح بلد تانيه ؟؟؟!!!!
أبدا...
قرروا انهم يعملوا جايزتين..الشمبانيا العادية..وعصير رمان..
اللى عايز ياخد الشمبانيا ياخدها..واللى مش عايز شمبانيا ياخد عصير الرمان..
وبكده قدر تصرف يايا توريه واللى عملوا زيه انه يغير للأفضل البيئة الكروية للمسلمين المحترفين هناك..علشان تناسب دينهم ومعتقداتهم...
(مش زى الحمار اللى بيقول لك: كان خدها وبعد كده رماها فى السر)...
.
فى الفيديو التالى بنشوف مصطفي الألمانى لاعب الأرسنال حاليا..وهو بيزيح ازازة البيره بتاعة الشركة الراعية أثناء المؤتمر الصحفى في ناديه السابق فالنسيا..وعدم استجابته للضغط عليه علشان يرجعها...
.
الموضوع ماقتصرش على الخمور..
انما امتد لمحرمات أخرى فى الدين الإسلامي..
مثلا فيه 4 لاعبين مسلمين فى فريق نيوكاسل عملوا مشكلة لرفضهم ارتداء شركة راعية متخصصة فى القروض الربوية...
وقبلهم ادارة نادى اشبيليه الأسباني استجابت لرغبة كانوتيه فى عدم ارتداء لوجو لشركة القمار راعية النادي...
.
على مدى السنين اللى فاتت الرأى العام فى اوروبا بيتكلم عن ان تزايد اللاعبين المسلمين فى أوروبا أدى لتغيير ثقافة الملاعب والرياضة هناك..مش بس على مستوى اللاعبين..لكن كمان على مستوى الجمهور..وان الأطفال وهم بيلعبوا كوره بيقلدوا اللعيبة وهى بتسجد..وكلنا شفنا التأثير اللى عمله محمد صلاح..
الأغلبية مابتتكلمش على ده باعتباره حاجه وحشه..بالعكس...
فى احد المقالات..واحد بيقول انه بيحس بااطمئنان لما بيشوف لعيبة الأرسنال المسلمين بيدعوا أو يقروا الفاتحة قبل الماتشات..بيحس بالأمل لأن الدعاء معناه الأمل..وبيحس اد ايه هم مركزين ومعتبرين ان المباراة بالنسبة لهم..مسألة مصيرية...
......................
فالموضوع أكبر وأهم وأعمق وأجمل بكتير من هلاوس مساطيل العلمانية المصرية اللى ماتقلعهمش من رجلك....

......................
Comments
اكتشف المزيد

كوب واحد وعشرة عقول

تحلقوا جميعاً حول كوب الماء وتلاقت نظراتهم عنده
نظرة مرعوبة من طاهر..الماء لا يبدو طبيعياً له..به شىء ما..سم زعاف؟!!

حواديت

في بلدنا دب أبيض

دب يا قزمان؟؟!!دب أبيض من دببة القطب الشمالى فى بلدنا الصحراوى؟؟!! وفى شهر أغسطس؟؟!! حواديت

جولة حرة في سوق الوقت
 سنة مثل سنة 1952 تباع فى أول السوق بسعر وفى آخره سعر آخر..غالية جدا هنا ورخيصة جدا هناك..
قلت له: هذه السنة بالذات عليها كلام..

حواديت

هذا الموقع

الكلمة ايد..الكلمة رجل..الكلمة باب
الكلمة جنة..الكلمة نار
في هذا المكان..كلمات أتركها قبل أن أمضي..وأُحاسَب عليها بعد أن أمضي
.

"إِذَا مَاتَ ابنُ آدم انْقَطَعَ عَنْهُ عَمَلُهُ إِلَّا مِنْ ثَلَاثٍ: صَدَقَةٍ جَارِيَةٍ، أو عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ"
الدعاء كلمة..العلم كلمة..والكلمة الطيبة صدقة
"إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ"
"فأما الزبد فيذهب جفاء وأما ما ينفع الناس فيمكث في الأرض"

Picture

د. ياسر نجم


د. ياسر نجم..استشاري طب الأطفال وأمراض الجهاز الهضمي للأطفال
عمل في مستشفيات مصر والمملكة المتحدة والإمارات العربية على مدار أكثر من 25 سنة
زميل الكلية الملكية لطب الأطفال - لندن
عضو الجمعية الأوروبية لأمراض الجهاز الهضمي والتغذية للأطفال
.
.له رؤى وكتابات عديدة متنوعة في
الشأن العام
لا ينتمي لأية تنظيمات أو تيارات أو جبهات أو جماعات إلا الجمعيات المهنية الطبية
السيرة المهنية للدكتور ياسر نجم متاحة عبر روابط  لينكد ان الموجودة على هذا الموقع
Picture
  • الصفحة الرئيسية
  • صحتك بالدنيا
  • حواديت
  • ما أخفاه عنك مدرس التاريخ
  • قرة أعين
  • في عشق المكان والإنسان
  • الأمة الإسلامية وإشكاليات العصر
  • سلامٌ على العِلْم
  • صناعة الوعي
  • أقرب من حبل الوريد
  • حلم الحكم الرشيد
  • الهري على ايه اليومين دول؟
  • واحنا نايمين
  • نوستالجيا
  • كراسة الخواطر
  • اخترت لكم
  • ميديا
  • موضوعات طبية متخصصة

استقبل التحديثات عبر البريد الاليكتروني


Picture
اشترك