نصايح الوقاية من الكورونا بعد فتح الحظر

والدنيا بتفتح...عندنا نصايح مهمة جداً للوقاية..في ضوء أحدث الأبحاث العلمية عن طرق إنتشار الفيروس... 
...............................................................................
1- 90% من حالات العدوى بتحصل في الأماكن المقفولة...
ماتخافش أوي من الأماكن المفتوحة (شوارع - شواطىء - حدائق)....وحرص جداً جداً في الأماكن المغلقة..خصوصاً ضعيفة التهوية وخصوصأ لو زحمة.. (وسائل مواصلات - بيوت - مكاتب - أسانسيرات - محلات - قهاوي ومطاعم وكافيهات- لجنة امتحان)...
.
2- في بحث كبير معمول على أكتر من ألفين حالة..البيوت كانت مكان العدوى رقم واحد يليها وسائل المواصلات ثم المقاهي والمطاعم...
.
3- في مقارنة بين الأوتوبيسات ودور العبادة..وجد انه في واقعة معينة مجموعة من الناس اللي راحوا مع بعض احد دور العبادة في أوتوبيس..العدوى انتشرت بين 37 واحد منهم...35 جت لهم العدوى في الأوتوبيس...و2 فقط جت لهم العدوى جوه دار العبادة...
.

4- في أحدى الوقائع كان فيه تدريب على حفلة موسيقية في واشنطن حضرها 60 شخص...52 منهم جت لهم العدوى من شخص واحد ماكانش عنده أى أعراض..(وده يضرب بالنار التهييسة بتاعة ممثلة منظمة الصحة العالمية ان العدوى مابتتنقلش من الأشخاص اللي ماعندهمش أعراض...واللي تراجعت عنها بعد كده)..
.
5- نقل العدوى من الأسطح مش شائع انما وارد..لو لمست سطح لسه ملوث من دقايق بإفرازات شخص عنده الفيروس وبعدين حطيت ايديك في بقك أو مناخيرك في خلال دقايق...
احتمالات ده بتزيد في الأماكن المشتركة: زراير الأسانسير - حنفيات الحمامات العامة - أكر الأبواب - كي بوردات الكمبيوتر - قائمة الطعام في المطاعم - الفلوس - ماكينات الفلوس - أسوار السلالم والسلالم المتحركة - عربات التسوق في السوبر ماركت..الخ إلخ..
المصافحة باليد تعامل زي الأسطح..
.
6- مدة الإختلاط مهمة جداً في نقل العدوى...كلما طالت المدة كلما بقت فرص العدوى أكتر والعكس...
مثلاً لو حد مر من جنبك بسرعة احتمال انه ينقل لك العدوى محدود جداً..
لو اشتريت حاجه من محل وخرجت في دقايق الفرص قليلة..لو قاعد تتسكع جوه المحل والناس رايحه وجايه عليك الفرص بتزيد..
.
7- أكثر طرق العدوى شيوعاً هي الكحة والعطس في وش شخص..يليها الحديث عن قرب مع شخص...لو مافيش كحة ولا عطس ولا كلام من مسافة متقاربة..فرص العدوى قليلة جداً..ومش هاتتنقل لك العدوى منه الا لو فضلت على مسافة متقاربة لمدة ساعة أو أكتر..
.
8- تأثير الكمامة بيقل مع طول مدة الإختلاط...لو فيه كلام مباشر مع شخص لمدة تزيد عن 5 دقايق...تأثير الكمامة في الحماية بيقل..
.
9 -الزحمة لها تأثير كبير جدا في نشر العدوى: الحفلات - الفصول المكدسة - الأفراح - دور العبادة الصغيرة زى الزوايا - المسارح- البنوك المكدسة - المصالح الحكومية...
.
10- الخلاصة:
كمامات
تباعد إجتماعي
مطهرات لليد..
الإختلاط بحساب..وعلى أد الحاجة والمصلحة..لفترة صغيرة..
الخروج في أماكن مفتوحة...
الأماكن الضيقة المغلقة الزحمة ضعيفة التهوية = عدوى لك ولأهل بيتك بنسبة تزيد عن ال90%...تقترب من ١٠٠٪؜ لو طولت في المكان اكتر من بضع دقائق..