مختارات من الموقع
|
|
|
|
ال12 مخاطرة المؤدية للألزهايمر
26/8/2020
 لو مش عايز ييجي لك ألزهايمر...حاول تتجنب ال12 مخاطرة دول: . - الكسل البدني.. - الكسل الذهني.. - التدخين.. - الكحول.. - إرتفاع ضغط الدم.. - ارتفاع الكوليسترول.. - السمنة.. - مرض السكر.. - الإنعزال الإجتماعي.. - الإكتئاب.. - فقدان السمع.. - الأكل غير الصحي..(يُنصح بنظام البحر المتوسط الغذائي: 400 جرام على الأقل خضار وفاكهة يومياً..30% كاربوهيدرات..والسكر فيهم مايزيدش عن 10%..أقل من 30% دهون..والباقي بروتينات وحبوب).. . ده مش مجرد كلام عن نصايح صحية عامة... دى توصيات آخر أبحاث منظمة الصحة العالمية..عن الألزهايمر..اللي بيعاني منه حالياً 50 مليون شخص حول العالم..ومتوقع ان العدد ده يتضاعف 3 مرات على سنة 2050.. طبعاً يظل تقدم العمر هو السبب الأهم لحدوث المرض..لكن بما ان ده سبب لا يمكن تجنبه..المنظمة راجعت مئات الدراسات العلمية اللي اتعملت على مدار السنين الأخيرة...ووصلت انه فيه عناصر مساعدة أخرى على حدوث الألزهايمر..يمكن تجنبها...وهي المذكورة أعلاه.. . أثبتوا كمان انه مافيش أى أدلة ان الفيتامينات والمكملات والأوميجا 3 و6 وما شابه بتساعد.. . طبعا مش كل العوامل اللي فوق يمكن تجنبها اراديأً.. ازاي مثلاً هانتجنب ارتفاع الضغط أو السكر أو الإكتئاب أو فقدان السمع..؟ في الحالات دي..أهم حاجه..العلاج المبكر..وابقاء الأعراض وعلامات المرض تحت السيطرة بقدر الإمكان..علشان ماتتسببش في تدمير تدريجي لخلايا المخ... . شفا الله كل مريض..ومتعكم دائماً بالصحة والعافية.. |
|
