مختارات من الموقع
|
|
|
|
 كطبيب قضى ١٢ سنة في المدارس المصرية..تلتها ٦ سنوات في كلية الطب..ثم سنة الامتياز في جامعة عين شمس..وبعدها ممارسة الطب لمدة ٧ سنوات في مصر شملت شهور التكليف في وزارة الصحة وسنوات التدريب في المستشفى الجامعي..
ثم الماجستير قبل السفر للخارج... لا اجد نفسي مدينًا للدولة المصرية بشيء.. بل هي المدينة لي بالكثير: .............. يورجين كلوب ونبيل الحلفاوي
18/9/2020
 "كرة القدم ليست مهمة على الإطلاق..انها مجرد لعبة..مجرد تسلية..في الحياة أشياء أهم كثيرا "..
. قائل هذه العبارة ليس احد الدراويش ولا الشيوخ ولا المتطرفين ولا واحد من أساطين العلم او الأدب او الثقافة.. . قائل هذه العبارة هو يورجين كلوب.. وكلوب لمن لا يعرفه..هو افضل مدير فني كرة قدم في العالم سنة ٢٠١٩..تدر له دخلًا يساوي ٧ مليون جنيه إسترليني سنويًا (١٤٠ مليون جنيه مصري)... باختصار كرة القدم هي حياته والدجاجة التي تبيض له ذهبًا..ومصدر شهرته ومحل نبوغه.. وربما كانت الشيء الوحيد الذي يجيده في الحياة.. . وبالرغم من كل هذا..كان هذا هو التصريح الذي ادلى به كلوب مخاطبا جمهوره ومحبيه الذين أحزنهم توقف نشاط كرة القدم عند بداية الجائحة.. . بالأمس صرح الفنان نبيل الحلفاوي ان التمثيل هو اخطر مهنة مدنية بعد الطب اثناء الجائحة نظرا لصعوبة اتخاذ الإجراءات الوقائية اثناء العمل.. ولم ينس الأستاذ نبيل طبعًا وصف "مدنية" حتى لا يناله ما لا يرضى في دولة "عسكرية"... . يا أستاذ نبيل..زملاؤك في هوليود (مشيها زملاؤك )..اغلقوا الاستديوهات وتوقفوا عن العمل تماما وحبسوا أنفسهم في البيوت منذ بداية الجائحة ...واللي بينزل منهم بينزل يوزع مستلزمات طبية على المستشفيات.. . عارف ليه عملوا كده يا أستاذ نبيل؟   بعد دقيقة و50 ثانية..50% من مرضى الكورونا يعانون من أعراض في الجهاز الهضمي - مارس 2020
استصغار رحمة ربنا
25/8/2020
 هو ليه لما فنان أو شخصية عامة الناس معتبرينه فاسق أو فاسد..بيموت بعد معاناة مع المرض...الناس (اللي هم المفروض متدينين) مش بيحطوا في اعتبارهم حديث صحيح زى ده:  بخصوص الكلام المنتشر عن سرقة الأعضاء والخطف..أحب أوضح حقائق ومعلومات طبية عامة..علشان فيه تخاريف كتير شائعة الحقيقة...وماقريتش لحد من السادة الأطباء أى محاولات لتوعية العامة والتصدى للخزعبلات.. _________________________ القاعدة العامة انك علشان تستخدم اى عضو بشري..لازم العضو ده يبقى صالح..ومتوافق مع جسم المريض متلقى العضو....ومايعرضوش للضرر.. _________________________ بناءاً عليه: - العضو لازم يتنقل للمريض فى خلال ساعات من أخده من جسم صاحب العضو الأصلي.. (ماينفعش تاخد عضو النهارده وتزرعه الأسبوع الجاي..ولا حتى بعد يومين)... . - لو كان صاحب العضو الأصلى متوفى..لازم العضو يتاخد منه فى خلال ساعات من الوفاة برضه.. (ماينفعش واحد ميت بقى له أيام أو اتدفن يتاخد منه عضو)... . - لازم طبيب يكشف على صاحب العضو الأصلى (حتى لو ميت)..علشان يتأكد من استيفاءه لشروط صحية معينة... (ماينفعش طبيب يستلم عضو للزراعة كده منفصل لوحده...وهو مايعرفش حاجه عن صاحبه الأصلى وحالته الصحية).. . - لازم بعض المعلومات الأساسية عن صاحب العضو الأصلى..على الأقل فصيلة دمه... . - انتزاع العضو من صاحبه الأصلى لازم يتم فى مستشفى وبواسطة جراح..لأنه ببساطة لازم يتاخد بأصول طبية تحافظ على العضو والأوعية الدموية المتصلة بيه..ومراعاة اصول التعقيم..والا العضو هايتلف ولا يصلح للإستخدام.. (الموضوع مش تقطيع لحمه زى الجزارين).. . - نقل العضو من صاحبه الأصلى للمتلقى لازم يتم فى سرعة بالغة وفى محاليل مخصوصة وبرضه بمراعاة أصول التعقيم... (مش فى كيس نايلون يعنى ولا فى حتة قماشه)... . وبالتالى انت لما بتاخد عضو من شخص..لازم تبقى عارف العضو ده رايح لمين..ولازم تبقى عارف ان الشخص اللى اتاخد منه العضو يصلح صحيا للتبرع وفصيلته متوافقة مع المريض اللى هاياخد العضو..واللى ينتزع العضو يبقى جراح ويعمل ده فى مستشفى وصاحب العضو عايش أو بعد موته بساعات قليلة..فى نفس الوقت اللى المتلقى يدخل فيه المستشفى ويتزرع له العضو.. . (طبعا فيه تفاصيل اضافية بتختلف على حسب العضو المزروع مش هانتطرق لها).. ___________________________ مش هاناقش حكاية معينة..او واقعة مخصوصة.. انا اللى علىّ انى أنقل لك المعلومات الطبية العامة.. انت بقى لما تسمع أى حكاية عن خطف أو قتل وسرقة أعضاء..اعقلها فى ضوء المعلومات دى..وشوف تمشي ولا ماتمشيش... ربنا يرحمه..ولا ماتجوزش عليه الرحمة؟
20/8/2020
 طب شوية نقط كده على الحروف...ده وقتهم..علشان الأحداث اتكررت..ولسه هاتتكرر كتير: _________________________________________ 1- حرمة الموت مالهاش علاقة من قريب أو بعيد بانتقاد الميت..خصوصاً لو كان شخصية عامة...وياما فيه آيات قرآنية وأحاديث وأحداث فيها ده وبقوة شديدة..وده مالوش دعوة بما اذا كان الشخص لسه بيموت أو مات من ساعة أو مات من سنة...الإسلام الوسطى الماسرى الجميل حاجه والإسلام الحقيقي حاجه تانية.. لو كانت مسألة حرمة موت يبقى ماتنتقدش حتى الكافر الميت..والطاغية الميت..وماتفرقش بين اللي كان صاحبك واللى كان عدوك.. 2- حديث (اذكروا محاسن موتاكم)...ده خاص بموتى كل واحد..يعنى انا لو حاسس ان الميت ده من موتانا..هاذكر محاسنه...علشان أحسن سيرته بين الناس...لو مش حاسس انه ميتي..أنتقده عادى براحتى..خصوصا برضه لو شخصية عامة..ولو قريت أى كتاب تاريخ هاتلاقى الصحابة نفسهم بينتقدوا صحابة تانيين بعد موتهم عادي...والرسول عليه الصلاة والسلام نفسه ذكر مساوىء ناس ميتين..وارجع مثلا لحديث: "إنهما يعذبان..وما يعذبان في كبير.." وارجع لحديث: "انتم شهداء الله في الأرض.."وغيرهما... 3- انتقاد الميت مش تشفى ولا شماتة في الموت.. 4- حتى الفرح بموت الظلمة وارد في الإسلام..لدرجة سجود السلف شكرا عند موتهم.. 5- كون ان فلان الفلاني صاحبك وحبيبك..وانت معتبره بطل نبيل شريف..دى حاجه خاصة بيك لا مؤاخذه...وحتى لو استفزيتك بانتقاده أو بالتقليل من شأنه..دى حاجه خاصة بي..وانا حر فيها تماما..ومابقاش قذر ولا وسخ انى أعمل كده...كل اللي تملكه انك تحاول تغير فكرتى أو فكرة غيري عنه للأفضل اذا حبيت وقدرت... 6- التقليب فى ملفات الموتى ومواقفهم مش عيب ولا حرام في أى شرع أو عرف أخلاقي..خصوصا برضه لو كانت شخصيات عامة...معاييرك دى تطبقها على نفسك..وماتلزمنيش بيها..المهم تسترجل وتوحدها..وماتطبقهاش على ناس ناس.. ماعنديش مانع اطلاقا ان أى حد يقلب في ملفاتى ومواقفى ويقيمني تقييم دنيوي وانا حى أو بعد موتى بدقيقة أو ساعة أو 100 سنة.. بعد ما أموت أصلا مش هايأثر علىَ إلا تقييم واحد مش فى ايد بشر.. 7- أى تقييم بنعمله لشخص تقييم دنيوي بحت..زيه زى مثلا ما الدنيا كلها بتقيم هتلر أو جيفارا أو بن لادن أو عبد الناصر أو غيرهم..لا له دعوة بجنة ونار أو رحمة وعذاب أو آخرة...وحتى لو واحد تمنى لشخص انه يروح الجنة والنار (طالما انه ماتجاوزش للتوقع)..فده مقبول جدا.. فماحدش يصدعنا بكلام من نوعية: هو انتم ربنا ؟ انتم هاتوزعوا صكوك ؟ انتم بتدخلوا الناس الجنة والنار ؟ 8- الصفحة دي صفحتى الخاصة مش صفحة عامة...كون انى عامل البوستات اللي عليها عامة..فده يسمح لك فقط بمشاهدتها لو حبيت..المناقشة فيها انا عاملها للأصدقاء وأصدقاء الأصدقاء فقط (براحتي خاااااااااااااالص).. كون ان عندى 70 ألف متابع مايخليهاش عامة..يعنى برضه براحتى خااااااااالص..أعمل بلوكات وأنفريند..وبدون إبداء أسباب..ومش من حقك تيجي تشتمنى في بيتى لمجرد انى مش عاجبك أو ان رأيي اللي سمحت لك تشوفه أو تعلق عليه مش عاجبك... 9- أنا مش نخبة... 10- مش كل ما مايعجبكش رأيي تشتم في الإخوان...لأن اقصى علاقة ارتبطت فيها بالإخوان بشكل شخصي ان بعضهم كانوا زملائي فى الكلية من 20 سنة...غير كده هم بالنسبة لى جماعة عامة وشخصيات عامة... لا عمرى قابلت مرشد ولا بايعت مرشد ولا حضرت اجتماع ولا اتصلت ولا اتصل بي مسئول... حتى فكر الإخوان..أنا مش مقتنع بيه إلا بشكل جزئي.. ومعظم الإنتخابات ماصوتتلهمش فيها.. ودفاعى عنهم بدأ مع انتخاب مرسي..وهاينتهى مع رفع الظلم عنهم.. عضوياتي السياسية السابقة (لأن ماليش عضويات حالية) كانت لحزبي الوسط والتيار المصري (والاتنين اللي بينهم وبين الإخوان معروف).. وكمان عمرى ما كنت منظر للإخوان..وعمرى ما وصفت نفسي بالناشط ولا الباحث ولا المحلل... ومش مسئول عن اللي بينقله عن صفحتى الخاصة أى موقع أو وسيلة إعلام..وتسبغ على فيه ما شاءت من الأوصاف.. 11- أنا كاتب..والكتابة عندي هواية...والفيس بوك عندى هواية أيضاً.. أتحمل ما يتحمله الكاتب بخيره وشره...بما في ذلك اضطرارى لتحمل عواقب انتقاد السلطات الحاكمة في دولة تنتمى لظلاميات القرون الوسطى..المفروض انها بلدي.. 12- ماعنديش أى طموحات في البلد...وعمر ما كان عندى..لا في عصر مبارك ولا المجلس العسكرى ولا مرسي ولا السيسي ولا مستقبلا... لا منصب ولا فلوس ولا برستيج ولا أى حاجه..ولا عمرى سعيت لده.. ماعنديش نية حتى انى أعيش فيها.. الحياة في مصر حتى لو عيشة رغدة بمنصب كبير بالنسبة لى دى بهدلة وتضحية كبيرة (كنت مستعد أعملها فى وقت من الأوقات)..لأن فيه أساسيات في الحياة اللى أعيشها مش هاتتوفر في البلد دى لحد ما أموت..أكبر كتير من الفلوس والعز والسلطة..مش هايفهم ده إلا اللى عاش اللى انا عشته بره مصر في ال13 سنة اللي فاتوا.. أى محاولات إصلاحية باعملها..باعملها بغرض ان وطنى يبقى أفضل.. وباستغل فيها ما حباني الله به من ميزات رأى البعض انهم يتابعونى علشانها.. أنا طبيب ناجح..وناجح جداً..واشتغلت في أكبر مستشفيات العالم..وبييجى لي مرضى مخصوص على إسمى من دول أخرى.. فمستغنى تماما عن مصر..وعن الفيس بوك... وأى كلام عن انى (باطبل) لحد أو جهة..وأى كلام عن انى هاتحطم مثلا أو سمعتى هاتتشوه لو كتبت حاجه طلعت غلط او جانبها الصواب على الفيس بوك وانتشرت ضدي..يبدو في نظرى كوميدي بشدة... انا ممكن أقفل الفيس بوك وأطلق مصر بالتلاتة من بكره..لو وصلت لمرحلة عالية من القرف..من غير ما حياتي تتأثر على الإطلاق..بالعكس..هاتبقى أفضل..لأن السلطات اللى انا باعارضها هاتستريح مني..وماحدش هايحطني فى دماغه.. 13- من باب احترام المتابعين وإثراء الحوار..مابارميش البوست واسيب الدنيا تضرب تقلب.. بارد على عدد كبير من التعليقات...وباكمل للآخر..ماباهربش..وده بيدي ثقة أكتر فى أن رأيي قابل للإختبار والأخذ والرد..ومبني على علم ومنطق يعتد بيه.. وماعنديش غرور انى اقصر مشاركاتى على صفحتى.. باروح لأصدقائى وأتناقش عندهم..وباروح للصفحات العامة وأتناقش فيها وأتحمل سفالات مالهاش حد.. نتيجة لده الحوار بيتدنى..وللأسف اضطريت مؤخرا اني أشتم شتايم عمرى ما باقولها فى حياتي الخاصة والعامة.. والموضوع ده قيد المراجعة حاليا..لكن هايتطلب انى أقلل تعليقاتى إلى حد كبير ويمكن أقصر التعليقات عندى على الأصدقاء فقط... 14- ماباشيلش آراء لى مهما ثبت خطأها مستقبلا (وفيه نماذج شهيرة متداولة لده)..بافضل معتز بيها..أولاً لأنها بتعبر عن تطوري الفكرى وتفاعلاتي وطريقة تناولي للأحداث..ثانيا لأنها بتفكرنى دايما انى أصيب وأخطىء وبتساعدني أعرف انا غلطت فى ايه وليه علشان أحسنه مستقبلا...وثالثا بتدينى ثقة في معاييرى الإخلاقية..مجرد حذفها هايحسسنى انى عملت تصرف غير أخلاقي..وأنا مافيش موقف واحد خدته أخجل منه... ممكن أعدل أو أحذف بوست فيه (معلومة) ثبت خطأها..انما الرأى ماباحذفوش مهما كان الضغط...حتى لو 99% من المعلقين معارضينه..أقصى حاجه انى أنزل بوست تاني أكتب فيه تصحيح للرأى..وده مش ممكن يحصل إلا بعد تغير قناعاتى نفسها بعد شهور أو سنين.. أما بوستات المعلومات..فأنا من أكتر الناس على الفيس اللى بيحطوا مصادر موثقة..إحراجاً لنفسي قبل غيرى..علشان أعود نفسى دايما انى ماكتبش إلا اللى تحريت فيه الدقة... _____________________________ دمتم طيبين... |
